Americani in lunam
reversuri
23.09.2005, klo 09.33
Administratio aeronautica et spatialis Americanorum
de novo in lunam
volatu consilium cepit, qui anno bis millesimo
duodevicesimo fiet.
Novum
navigium spatiale
maius erit prioribus, quibus duodecim homines inter
annos millesimum nongentesimum duodeseptuagesimum et
septuagesimum secundum (1968-72) lunam obierunt.
Sex astronautas capiet, ex quibus quattuor in lunam
descendent.
(Tuomo Pekkanen)
