Insulam Ulixis repertam esse

14.10.2005, klo 12.15

Ithaca sive insula, ubi Homerus Ulixem natum esse narrat, tandem reperta est, ut inter eos consentire videtur, qui antiquitati cognoscendae operam dant. Grex investigatorius, cui praeest Robert Bittlestone, nuntiavit se ad hanc conclusionem venisse, postquam analysim computatoriam fecisset ex materia litteraria, archaeologica et geographica in unum collata.

Ithacam eo difficiliorem inventu fuisse, quod terrae motus effecissent, ut illa insula cum quadam alia insula coalesceret.

(Reijo Pitkäranta)